Gronda surpraisa tar il Quarz 2011
- Stéphanie Chuat e Véronique Reymond
Il meglier film svizzer da l’onn 2010 e “La petite Chambre” da las duas reschissuras Stéphanie Chuat e Véronique Reymond. Il drama n‘ha betg mo gudagnà en la categoria dal meglier film, mabain era en quella dal meglier script. “La Petite Chambre” raquinta l‘istorgia d’in um vegl malcuntent e sia tgirunza.
Il film ha cunzunt gì grond success en la Svizra franzosa e vegn davent dals 24. da mars en ils kinos tudestgs.
- Scherwin Amini
Ina gronda surpraisa hai dà en la categoria dal meglier actur. Il Quarz per il meglier actur ha Scherwin Amini survegnì. Quai per la rolla d’in giuven che ha cancer ch’el ha giugà en il drama „Stationspiraten“. Il giuven era fitg surstà cura ch‘el ha retschavì la trofea. El ha pudì persvader la giuria. Andrea Zogg che gioga en “Sennentuntschi” e Fabian Krüger che gioga en “Der Sandmann” ch’eran nominads en la medema categoria han stuì ir a chasa senza trofea.
- Isabelle Caillat
Isabelle Caillat ha gudagnà la trofea sco meglra actura per sia rolla en „All That Remains”.
Sennentuntschi, il film cun il pli grond success en l’onn 2010 ha mo survegnì in premi, numnadamain quel per il meglier maletg da scena.
Survista dals victurs
Meglier Film:
La Petite Chambre
Meglier film documentar:
Cleveland vs. Wallstreet
Meglier film curt:
Yuri Lennon’s Landing
Meglier film animà:
Miramare
Meglier script:
La petite Chambre
Meglra actura:
Isabelle Caillat
Meglier actur:
Scherwin Amini
Meglra preschentaziun en ina rolla secundara:
Carla Juri
Meglra musica da film:
Goodnight Nobody
Premi spezial da la giuria:
Gerald Damovsky per il maletg da scena en “Sennentuntschi”
