Igl è uschè lunsch, la stagiun d’open air ha cumenzà. Venderdi ils 18 da zercladur è igl emprim open air stà a Bogn Ragaz. L’emprim che nus avain testà è sco gia l’onn passà l’Open Air Quellrock, che sa chatta en la ruina dal vegl chastè da Bogn Ragaz. Venderdi saira han ils organisaturs ed ils visitaders anc gì cletg cun l’aura, dentant la sonda n’ha son Pieder betg  pli gì cumpassiun. Igl ha pluvì sco or da sadellas. Malgrà in areal tut da buglia n’ha quai betg disturbà il visitaders, buna musica ha procurà per ina buna atmosfera tar la glieud.