Gia per la 16avla giada ha la fin d’emna passada gia lieu l’open air Rheinwald, e bunamain l’emprima giada na ha igl betg navì ed era pluvì ha igl mo pauc. Damai che las prognosas da l’aura eran gia ordavant uschè bunas ha igl quest’onn dà in nov record da visitaders. Enturn 1500 persunas èn stadas a Nufenen/Rheinwald per tadlar buna musica, magliar, baiver e star a sulegl. Malgrà nov record da persunas è la festa stada amiaivla e senza gronds incaps.