Giuventetgna fa politica

Bleras colurs empè da grisch e nair. Giuven empè da vegl. Luc e cool empè da steri e plain formalitads. Uschia vesi ora en il bajetg dal cussegl grond a Cuira ils 15 e 16 da matg 2010. Lura è numnadamain la segunda Sessiun da giuvenils dal Grischun. Quella vegn organisada da las partidas giuvnas dal Grischun, la giuvna PCD, ils giuvens liberals, ils giuvens socialists e la giuvna PPS.

Discutar davart l’avegnir dal Grischun
Sco quai ch’ils organisaturs han communitgà, duai la sessiun pussibilitar a giuvnas e giuvens dal Grischun da dar in’invista a la politica e motivar da sa participar activamain a la politica. En gruppas vegnia discutà  davart ils temas: il Grischun sco lieu da furmaziun, il Grischun sco lieu da lavur, la politica da minoritads, il servetsch public, il Grischun sco plazza turistica e davart l’ambient. La fin datti mintgamai ina petiziun che duai vegnir surdada a la regenza ed al cussegl grond.

Sa participar pon giuvnas e giuvens che vivan en il chantun Grischun è ch’èn tranter 16 e 25 onns. Il dumber è limità sin 120 persunas. Tschaveras e pussaivladads da star sur notg a Cuira vegnan messas a disposiziun. Ulteriuras infurmaziuns e la pussaivladad da s’annunziar datti sut:
http://www.jugendsession-gr.ch.