Guardar al Son Niclà da Mustér sur las spatlas

La visita da Son Niclà ha ina lunga tradiziun. A Mustér èsi la giuventetgna che fa Son Niclà u Sontgaclau sco quai ch’el vegn numnà en Surselva. Quai capita mintgamai la sonda ch’è il pli da strusch dals 6 da december. Cunquai che Mustér è dentant ina gronda vischnanca, datti actualmain 7 uniuns da giuventetgna. Mintgina da questas uniuns fa Sontgaclau per ils vischins da ses quartiers u fracziuns. Uschia variescha l’usit era d’uniun ad uniun. Betg l'ultim sa mida la tradiziun era plaun a plaun, perquai ch’i dat adina pli paucas famiglias cun uffants. Battaporta ha accumpagnà quatter suitas da Sontgaclau.