Sony mussa la Cuppa Mundiala da FIFA en trais dimensiuns
Il proxim pass en la tecnologia da televisiun. La firma Sony e l’uniun da ballape FIFA han annunzià che la Cuppa Mundiala en l’Africa dal Sid vegn emessa tranter auter era en trais dimensiuns. Varga 25 gieus vegnan registrads cun cameras spezialas da 3D.
Fin ussa e mo cler, ch’i vegn mussà ils highlights da quels gieus sin grond visurs en las zonas da fan a Berlin, Londra, Mexico City, Paris, Rio De Janero, Roma e Sydney. Sch’ins sa mirar ils gieus LIVE e a chasa n’è anc betg sclerì. Sony vul però lantschar las emprimas televisiuns cumpatiblas cun 3D fin l’entschatta da la Cuppa Mundiala.
- Ina da las cameras che filman en trais dimensiuns
