Steve Jobs - il revoluziunari n’è betg pli
«Steve Jobs, 1955-2011» – uschè simpel sco ils apparats ch’el ha sviluppà cun Apple, uschè simpel vegn oz communitgà sin la pagina d’Apple ch’el è mort. Simpel era era sia cumparsa: jeans e pullover cun culier appartegneva tar el sco il mail tar Apple. Il fundatur d’Apple è mort en la vegliadetgna da 56 onns. Quai suenter ch’el ha cumbattì durant plirs onns la malsogna da cancer. L’avust passà ha la malsogna da cancer sfurzà Steve Jobs da dar giu ses post sco schef da la fatschenta Apple.
Steve Jobs vegn numnà il “revoluziunari” dal mund modern da la tecnica. Grazia a sia briglianza ed energia ha el producì cun la firma products sco l’iPhone, l’iPad e l’iPod.
Battaporta ha vulì savair da las collavuraturas ed ils collavuraturs da RTR tge experientschas ch’els han fatg cun products d’Apple e tgenin era l’emprim ch’els han cumprà.
Gieri Cathomen, Referendari program: «L’Emprim cura ch‘jau hai cumprà l’iPhone, ha jau guardà tut tup....»
Tadlar las experientschas da Gieri Cathomen...
Pia Plaz Kämpf, Redactura: «A mi plaschan ils products pervi da l’ optica…»
Tadlar las experientschas da Pia Plaz...
Toni Poltera, Responsabel sport e referent medias: «L’entschatta hai jau gì grondas difficultads…»
Tadlar las experientschas da Toni Poltera...
Esther Berther-Rothmund, Redactura: «I era fitg simpel, jau era fascinada…»
Tadlar las experientschas da Esther Berther...
Curdin Fliri, Redactur multimedia: «Quai era il temp da l’entschatta da l’internet…»
Tadlar las experientschas da Curdin Fliri...
Angela Hitz, Redactura: «Jau hai cumprà in iPod, en pinc. Enfin lura na devi betg quai …»
Tadlar las experientschas da Angela Hitz...
Vid l’emprim product d’Apple sa regordan ils blers. Vid tge sa regordan ils collavuraturs da Steve Jobs?
Ils ins èn pitschens fans da Steve Jobs….
Per persunas che vulan condolar ha Apple installà in’adressa d’e-mail: rememberingsteve(at)apple.com
