Super Heavy – Tschintg stars unids en ina band
Mintgatant datti puspè ina nova gruppa che cumpara or dal nagut. Betg or da persunas nun enconuschentas, mabain or da singuls stars ch’èn sezs gia dapli lunsch sin la via da success. Audioslave, Velvet Revolver, Chickenfoot ni Them Crooked Vultures per numnar in per actualas. Super Heavy ha uss num la proxima uschè numnada “supergroup”. E quella unescha diversas naziuns e stils musicals. Commembers èn Mick Jagger, Joss Stone, Damian Marley A. R. Rahman e David Steward.
Gia dal 2009 ha David Steward ch’è vegnì enconuschent ensemen cun Annie Lennox en il duo “Eurythmix” giu la visiun dad unir divers stils musicals da divers continents. Sin quai ha el lura as mess en contact cun Mick Jagger dals Rolling Stones è quel èra immediat fascinà da l’idea. Ensemen han els lura era savì persvader il rest da la band a participar. Els has han inscuntrà en in studio a Los Angeles per jammar insemen. Uss, duas onns pli tard cumpara il resultad. L’album “Miracle Worker” è valabel davent dils 15 da settember. Lur emprima single cun il medem num san’ins gia ussa tadlar ni mirar il videoclip.
