"Jack und Jill"

Jack e Jill èn schumellins. Normalmain han schimmels ina colliaziun speziala. Quai na para però betg d’esser il cas tar Jack e Jill. Els dus van sin la gnerva in a l’auter ed il caos total cumenza cur che Jill visita ses frar Jack.

"Ein riskanter Plan"

Nick era ina giada in policist. Ussa è el però sez en praschun. El è vegnì accusà ingistamain d’avair engulà in diamant. Sia vendetga cumenza cur ch’el vegn finalmain da scappar.

"The artist"

George Valentin è in star da Hollywood. El è il meglier actur da films mits en nair ed alv da quai temp. L’inscunter cun Peppy Miller e l’introducziun dal film cun tun a Hollywood vegn a midar bler en la vita da George.

"Ziemlich beste Freunde"

Philipp e Diss èn duas persunas cumplettamain differentas. Phillip è ritg e nobel Diss perencunter n’ha betg lavur ed è gist vegnì relaschà or da praschun. Il destin unescha però lur vias e quai che pareva da daventar ina catastrofa, daventa cun il temp ina dretga amicizia.

"Halt auf freier Strecke"

Frank ha cancer dal tscharvè. El ha mo pli paucs mais da viver e sia famiglia è schoccada. Tuts provan da far il meglier londeror da questa situaziun critica.

"Atmen"

Roman Kogler ha 19 onns e vegn relaschà da la praschun. El è a la tschertga d’ina plazza da lavur per puspè pudair sa disar vid la vita dal mintgadi. A la fin chatta el ina lavur, mo quella lavur è plitost curiusa.

"Flying home"

Tgi era Walter Otto Wyss? Resposta a questa dumonda dat il film documentar davart quest enconuschent Svizzer ch’ha sviluppà l’emprim auto ibrid.  

"Dreiviertelmond"

Hartmut Mackowiak ha 65 onns ed è in manischunz da taxi. In di vegn el bandunà andetgamain da sia dunna. El è schoccà e na vul betg pli avair da far cun nagin. Ses destin sa mida però cura ch’el inscuntra la giuvna matta Hayar.

"In guten Händen"

Stancladad, stress e tristezza, da quai pativan era las dunnas englaisas dal 19avel tschientaner. Per cumbatter questa malsogna ha il docter Robert Dalrymple ina metoda infallibla.

"Gatos viejos"

Isidora è veglia e dementa. Ensemen cun ses consort stat ella a Santiago, Chile en in'abitaziun. Sia figlia avess dentant gugent l’abitaziun e vul perquai che Isidora giaja en ina chasa d’attempads.

"Glauser"

Friedrich Glauser è in scrivent svizzer. El ha scrit romans criminals, tranter auter „Wachtmeister Studer“. In film documentar sur dal scrivent che ha vivì ina vita speziala.

"The darkest hour"

La terra è en privel. Creaturas extraterrestras che rivan da controllar l’electricitad destrueschan tut quai ch’els inscuntran. Rivan ils tschintg amis Emilie, Olivia, Max e Rachel da salvar l’umanitad?

"Poulet aux prunes"

Nassan Ali Khan è in dals megliers violinists da ses temp. Cur che sia amada violina rumpa n’ha sia vita nagin senn. Perquai decida el da murir.

"Blutzbrüdaz"

Otis viva per la musica. El e ses bun collega Eddy vulan daventar enconuschents sco rappers. Lur siemi para da daventar realitad cur ch’il manager Fusco cumenza a s’interessar per ils dus amis.

"Alvin und die Chipmunks 3"

Il stgilat Alvin e ses amis van en vacanzas. E quai sin ina luxuriusa bartga. Sco adina fan els quai ch’i vulan e sa diverteschan en tut las modas e manieras. Ma, ina surpraisa spetga sin els cura ch’els arrivan sin in’insla tropica. 

"Tage des Verrats"

Il giuven pledader da pressa Stephen Myers lavura per l’ambizius candidat per il presidi dal Stadis Unids da l’America Mike Morris. Per cuntanscher sia finamira da far gronda carriera s’involva el en intrigas e scandals politics.

"Rubbeldiekatz"

Alexander es in actur senza lavur. Per survegnir ina rolla en in film da Hollywood faschess el tut. Perfin sa dar ora sco ina dunna. Quant lung vegn el da mantegnair ses secret?

"Mein Freund der Delfin"

Il giuven Sawyer chatta in delfin ferì a la riva dal mar. In medi po salvar la vita dal delfin ma quai be cun amputar sia galoscha. In cumbat per surviver cumenza per il pover delfin.

"The Future"

Sophie e Jason decidan in di dad adoptar in giat che ha be pli pacs temp da viver. Ma, precis quest giat vegn a midar il destin dal pèrin.

"Happy happy"

Kaja ed Eirik vivan en Norvegia. Lur vita è però lungurusa e las emprimas crisas cumenzan. Tut sa mida cur che Elisabeth e Sigve vegnan a viver en lur vischinanza.

"The Help"

Ina giuvna scriptura cumbatta cunter la discriminaziun da dunnas afroamericanas. Perquai fa ella intervistas cun ellas e decida da scriver in cudesch. Quai provochescha però in grond scandal en la citad.

"New Year's Eve"

Tuts sun reunis a New York per spetgar sin il nov onn. Era Randy, Harry, Claire, Kate, Tess, Paul ed Ingrid èn là e mintgin dad els passenta insatge spezial durant questa magica notg.

"Habemus Papam"

Il cardinal Melville vain tschernì sco il nov Papa. I dat però in problem. El patescha dad attatgas da panica e na vul betg sa mussar al public. Ils cardinals cloman en agid ad in psichiater.

"Happy feet 2"

L’expert dal sot da step, il pinguin Mumble, ha ussa in figl cun il num Erik. Quel nun è però fascinà dals sauts da sieu bab sco tut ils auters.

"Der Gott des Gemetzels"

Dus giuvens mats fan dispita. In pitga a l’auter cun in bastun e quel perda dus dents. Ils geniturs dals dus giuvens discutan sur da quai ch`è capità. In chaos total cumenza.

"Mein bester Feind"

Victor e Rudi sun amis dapi lur uffanza. Ma, lur amicizia nun è predestinada a durar per adina. Victor è gidieu e Rudi è ussa in schef da la SS. Per esser fidel a Hitler ed als Nazis tradescha Rudi a ses ami.

"Als der Weihnachtsmann vom Himmel fiel"

I mancan anc duas emnas fin Nadal. Ma in di capita insatge insolit. L’ultim dretg San Niclà croda in di giu da tschiel. El ed il Nadal èn en privel. Per il dus giuvens Ben e Charlotte cumenza in’aventura.

"Once upon a time in Anatolia"

Ina gruppa dad umens è sin viadi tras las pulvrusas vias da la Tirchia asiatica. Tranter els èn policists, assassins ed in medi. Els tschertgan il corp d’in um ch’è vegnì mazzà brutalmain e sepulì en in lieu nunenconuschent.

"Der Italiener"

Il reschissur Paolo Poloni purtretescha differents lavurants esters che lavuran en il restaurant talian “Santa Lucia” a Turitg. El ha vulì savair dapli sur da lur vita en Svizra e chatta uschia respostas sin bleras dumondas.

"The Substance”

L’onn 1943 scuvra il chemicist Albert Hofmann casualmain la droga LSD. El na sa però betg che sia scuverta vegn a midar l’entir mund.

"Melancholia”

In planet misterius riva adina pli daspera a la terra. I para che l’apocalipsa stà davant porta. Las dus sors Justine e Claire as preparan sin la fin dal mund.

"Polisse”

Policists e policistas da la protecziun da giuvenils da Paris cumbattan mintga di cunter la criminalitad. In di riva la fotografa Melissa tar els che ha la lezia da fotografar sco che ils policists lavuran. Ils problems cumenzan.

"Zwei an einem tag”

Emma e Dextar sa emprendan a conuscher tar ina festa. Els passentan ensemen la notg, ma il di suenter va mintgin puspè per sia via. Els na rivan però betg pli dad emblidar in l'auter.

"Cheyenne - This must be the place”

Sean Penn è il rock star Cheyenne dals ans 80 che patescha da depressiuns. In di mora ses bab. Cheyenne chatta ora cha ses bab tschertgava ad in tiran dad Auschwitz per as vinditgar.

"Restless”

La giuvna Anabel sto cumbatter cunter ina greva malsogna. Ella ha cancer. In di inscuntra ella ad Enoch che ha pers ses geniturs causa d’in grev accident. In’istorgia d’amur intensiva cumenza tranter els dus.

"Der Aushilfsgangster”

Eddy Murphy è “l’Aushilfsgangster” Slide. El gida a Gertie, Cold, Chase e Josh da sa vinditgar ad in um d’affars che tils ha engianà.

"Paranormal activity 3”

L’istorgia da las duas soras Katie e Kristi va vinavant. Las mattas chattan en ina chista diversas registraziuns dad ellas da pli baud. Questas registraziuns decleran il motiv dals eveniments “paranormals” dals prims dus films.

"Der Verdingbub”

Max siemia da pudair viver en ina dretga famiglia. Ses geniturs sun morts. In di vain el tut si en ina famiglia da purs. Max sto però lavurar sco in nar e vain maltractà da ses geniturs da tgira e dal figl da quels.

"The Whistleblower”

La policista americana Kathryn Bolkovac riva a Sarajevo per sustegnair la polizia locala suenter la guerra. Ella scuvra là divers scandals sexuals.

"Hotel Lux”

Il comicher Hans Zeisig arriva a Moscau en il hotel Lux suenter esser fugì da Berlin. Il servetsch secret sovietic pensa ch’el saja l’astrolog malfidà d’Adolf Hitler.

"Killer elite”

Danny vul salvar ses ami e mentur Hunter ch’è vegnì rapinà dal prinzi da l’Arabia Saudita.

"Hell”

Il sulegl ha transfurmà la terra en in desert. Ils umans che vivan anc èn en tschertga dad aua e per far quai ston els cumbatter tranter vita e mort.

"Giochi d'estate”

In uffant da 12 ans prova dad elavurar ils problems da matrimoni da ses geniturs durant lur vacanzas da stad en Italia.

"Wie ausgewechselt”

Dus collegas envilgian la vita da l'auter e giavischan dad avair pli gugent quella. Il giavisch va en vigur.

"Der ganz normale Wahnsinn”

Ina mamma emprova da dumagnar famiglia e lavur sut in tetg.

“Khodordowsky”

L’istorgia dad in dals pli ritgs umens dal mund ch’è en Sibiria en praschun.

 “Silent Soul”

In um s’emetta sin in lung viadi per pudair sutterrar sia dunna a moda tradiziunala.

“König der Löwen”

“The lion king”, in classicher da Disney, riva puspè en ils kinos questa giada en versiun 3D. 

“Die Haut in der ich wohne”

Il medi Ledgrat dovra ils umans per far experiments. El transplantescha pel artifiziala d’ina donna.

 “Margin Call”

Ils schefs d’ina banca da New York emprovan da chattar ina soluziun per cumbatter la crisa da finanzas. 

“Wickie auf grosser Fahrt”

La figura da comic, Wickie, è per la secunda giada en il kinos e quella giada en 3 dimensiuns.

"Vol special”

6 emigrants vivan en ina praschun perquai ch’els èn illegalmain en Svizra. Ussa spetgan els enfin ch’els ston turnar a chasa.

"Le Havre”

Marcel Marx dad albiert ad in giuven fugitiv dal l’Africa che vegn tschertgads da la polizia.

“The Guard”

In policist da l’Irlanda ed in agent afroamerican dal FBI furman in duo insolit en tschertga d’ina bartga plain drogas.

"El Bulli: Cooking in progress”

In team da film accumpogna in onn il legendar cuschinunz Ferran Adrià en ses restaurant El Bulli.

“Colombiana”

15 onns suenter il murdraretsch da ses geniturs piglia Cataleya vendetga sco assassina vi da quels ch’eran responsabels.

"Männerherzen und die ganz ganz grosse Liebe”

Ina nova runda in puncto relaziun ed amur cumenza per sis collegas a Berlin. Part duas da la cumedia tudestga cun Till Schweiger, Christian Ulmen e Florian David Fitz.

“Das Geheimnis unseres Waldes”

Documentaziun davart ils guauds Svizzers e persunas che vivan e lavuran cun els. Bruno Ganz raquinta istorgias or dal guaud e dad umans en il guaud.  

“Freunde mit gewissen Vorzügen”

Dylan e Jamie han avunda da relaziuns caoticas nua ch’ils sentiments fan vegnir tut pli cumplitgà e decidan dad avair ensemen in’amicizia normala, simplamain cun il privilegi dad avair sex in cun l’auter.

“A Separation”

Drama tragic or da l’Iran. Dunna vul as divorziar causa che l’um na vul betg bandunar cun ella la patria.

“Jane Eyre”

La orfna Jane Eyre survegn ina plazza sco magistra en ina chasa signurila è s’inamurescha en il patrun.

“Die Drei Musketiere”

Ils “Musketiers” èn puspè ina giada en ils kinos. Quella giada dentant in zichel pli spectacular, numnadamain en 3 dimensiuns.

“Wer wenn nicht wir”

Tge è stà avant il moviment radical da la giuventetgna ils onns 60 en Germania e co èsi insumma vegni uschè lunsch?

“Sommer in Orange”

Ils onns 80 tschertgavan ils germans l’inspiraziun en communas.

“Final Destination 5”

La mort guarda, ch’ina gruppa che ha survivì in accident ch’els vessan atgnamain betg pudì surviver, mora tuttina. In suenter l’auter.

“Alles Koscher”

In muslim vegn a savair suenter la mort da sia mamma, ch’el è atgnamain adoptà ed in gidieu.

“Der Sandmann”

In um cun vita reglada perda tuttenina sablun che fa durmentar quels che til savuran. Sia vita transmida planet en in chaos.

“Captain America”

Steve vul per tut pretsch i tar l’armada. Suenter pliras emprovas survegn el la schanza ed el daventa in schuldà tut spezial.

“Ma part du gâteau”

La fabrica nua che France lavura vegn serrada. Ella s’inamurà en in ritg um nua ch’ella sto nettegià l’abitaziun.

“Midnight in Paris” 

Gil è cun sia spusa a Paris en vacanzas. Quella va ad el pli e pli fitg en emblidanza cura ch’el chatta ina nova vart da Paris.

„Barney’s version“

Barney ha betg simpel cun tut sias dunnas e quai raquinta el.

„Resturlaub“

Pitschi Greulich giaja en l’Argentinia per chatta là ses daletg, sche gie ch’el ha gia tut quai ch’el tschertga a chasa.

„Balada triste de la trompeta“

En Spagna regia la guerra civila e schizunt ils clowns cumbattan encunter ils faschists.

"Die Schlümpfe"

Ina gruppa da Schlumpfs platga amez New York ed emprova da fugir dal magi Gargamel. Dus umans tils gidan.

“The Woman with a broken Nose”

Trais persunas da la Serbia vegnan bittadas or da lur vita normala e lungurusa cur ch’ellas vegnan involvidas en in accident cun ina dunna cun rut il nas ed in poppin.

“Chico & Rita”

In drama d’amur animà tranter in pianist ed ina chantadura da Cuba.

"Beginners "

Beginners raquinta l’istorgia dal Oliver e ses bab Hals. Ina retrospectiva cunquai ch’il bab è mort.

"Cars "

L’auto da cursa Lightning McQueen e ses gidanter Mater bandunan Radiator Springs per prender part a trais cursas enturn l’entir mund. Ma suenter curt temp sa glischnan els entamez in’operaziun secreta cun agents.

"Angèle et Tony"

Mariadar per garantir al figl ina vita normala. Flot fissi dentant  era sch’il spus enconuschess l’istorgia da vita da sia spusa.

"Das Lied in mir"

Maria è vegnida a savair ch’ella e ha tut in auter passà, ussa es ella sin la tschertga da sasez.

"Klitschko"

In film documentar sur da dus “Champions” dal boxar.

"Insidious"

Ina chasa para d’esser obsessiunada e fa tema a la famiglia.

"Der Zoowärter"



Griffin survegn agid dals animals per gudagnar anavos il cor da sia ex.

"Kill Me Please"

In film sarcastic sur da assistenza al suicidi.

"La Yuma"

Ina ferma giuvna che cumbatta per in meglier destin.

"Larry Crowne"

Larry prenda suenter cun varga 40 onns il college. Quai mida sia entira vita.

"Juan"

In film che sa basa sin l’opera “Don Giovanni” da Wolfgang Amadeus Mozart.

“Hunger - Genug Ist Nicht Genug”



In film documentar dal reschissur svizzer David Syz.

"Der Mandant"



L’advocat Mick Haller sto mirar ch’il giuven Louis Roulet na ha betg dad ir en praschun.

“Werner - Eiskalt”

Werner e Holgi èn ils pli gronds concurrents. Il film mussa sco tut ha cumenzà.

"Fremd Fischen"

Giuvna cumenza in’affera cun il spus da sia meglra amia curt avant il matrimoni. Lunsch na san els betg zuppentar quai.

“Submarine”

Teenager amez la pubertad ha da cumbatter per mantegnair sia prima relaziun e quella da ses geniturs.

“Cirkus Columbia”

Suenter blers onns sa in um da la Bosnia-Erzegovina puspè returnar en sia patria per emprender ad enconuscher ses figl. Ma bler s’ha midà en quel temp. 

"Nichts zu Verzollen"

In guardia cunfin beltg vegn sfurzà da lavurar ensemen cun in collega franzos. Ses problem: el odiescha ils franzos.

“Joschka und Herr Fischer”

In sguard enavos sin ils ultims 60 onns dal politicher tudestg Joschka Fischer.

“Unter Kontrolle”

Ina documentaziun davart l’energia nucleara da la Germania ed Austria e tut lur fassettas.

"Hangover Part 2"

Trais collegas sveglian puspè suenter ina notg da festa e na sa regordan betg pli vi tge ch’els han fat.  En in di è matrimoni ed il figl da la spusa che ha era festegià cun els è sparì.

“Les émotifs anonymes”

Schef d’ina firma da tschigulatta s’inamurescha en la nova collavuratura. Tuts dus èn però fitg schenads ed han ina ni l’autra macka.

"Glücksformeln”

Film documentar davart la tschertga dal recept per fortuna.

"Carancho"

Hector na vul betg pli viver ina vita sco cugliun. Ensemen cun sia grond’amur tschertga el ina nova via. 

“Tinguely”

In film documentar davart l’artist svizzer Jean Tinguely.

“Wer Ist Hanna”

In thriller che raquinta l'istorgia da Hanna, ina giuvna che ha ina missiun mortala.

"Almanya - Willkommen in Deutschland"

Ina famiglia da la Tirchia emigrescha en Germania e suenter 45 onns van els puspè enavos en Tirchia.

“The Rising Sun”

Film documentar davart la truppa da Breakdance Roc Kidz Crew, che viagia tras l’Europa e sauta sin via per gudagnar lur paun da mintga di.

“Into Eternity”

Film documentar sur d’ils lavurants che fabritgan il prim deposit final per rument radioactiv che duess surstar passa 100’000 onns.

"Mit dem Bauch Durch Die Wand"

La reschissura da la documentaziun ha accumpagnà trais onns trais mammas giuvnas e lur uffants.

“Rabbit Hole”

In um ed ina dunna che van enturn en differenta moda e maniera cun la mort da lur uffant.

“New Kids Turbo”

Ils 5 umens na survegnan betg pli sustegn finanzial dal stadi e perquai na vulan els betg pli pajar per insatge.

"Scre4m"

En il quart toc da la seria da Scream turna Sidney puspè enavos a Woodboro e sto cumbatter per la quarta giada cunter il Ghostface Killer.

“Willkommen Im Süden”

La pli gronda catastrofa per in Talian dil nord è da stuair viver en il sid dal pajais. Gist quai schabegia ad Alberto.

“Die Vaterlosen”

Ils uffants da Hans tschertgan suenter sia mort en il passà respostas davart lur uffanza.

"Fast Five"

Ex policist Brian ed  ex praschunier Dom èn per la tschintgavla giada en gir cun lur autos svelts. Questa giada a Rio de Janeiro e là vulan els engular dad in baron da drogas. Ma in agent federal tils persequitescha e vul evitar quai.

“Wasser für die Elefanten”

In student da medicina cumenza a lavurar sco medi da bestgas tar in circus e s’inamurescha en la dunna dal directur.

“Armadillo”

In film documentar davart l’engaschament d’ina truppa da schuldads danais en l’Afghanistan. Purtrets reals da la front, la guerra cunter ils Talibans.

"Sanctum"

In'aventura en ils cuvels sutterans da l’Australia.

“Das Labyrinth Der Wörter”

Germain, che na sa betg leger emprenda d’enconuscher il mund d’ils cudeschs cun agid da Marguerite, che ha 95 onns.

“Francesco Und Der Papst”

Per Francesco va in grond siemi en vigur, el dastga chantar sco solist per il Papa.

"The Mechanic"

In scolar din „Killer“ incumbensà daventa in privel per il scolast.

“World Invasion”

Il mund vegn aquistads d’aliens ed il militar è la davosa soluziun.

“Bouton”

Ina vaira istorgia d’in’actura che cumbatta cun l’agid d’ina poppa da maun encunter lur malsogna.

"The Fighter"

La vaira istorgia dal boxist Micky Ward e ses mez frar Dick Eklund. Micky fa ina carriera sco boxist, ses frar dentant platga en praschun.

“In einer besseren Welt”

In medi ch’è la gronda part dal onn davent da sia famiglia per salvar vitas en l’Africa ha da cumbatter che ses figl e sia dunna na stumplan betg davent el.

“HOP”

Il figl da la lieur da Pasca vul pli gugent daventar in star musical enstagl da surprender ils affars da ses bab e fugia a Hollywood.

"Gnomeo und Julia"

Romeo e Giulietta ina giada auter, numnadamain cun nanins.

“Draquila”

Il tron da Silvio Berlusconi ballucca pli e pli fitg.

“Winter's Bone”

Ree less betg perder ses da chasa e perquai tschertga ella dappertut ses bab.

"Biutiful"

Uxbal ha in tumor en el. Avant che murir vul el metter en urden sia vita e mirar che ses uffants han in futur suenter ch’el n’è betg pli.

“Betty Anne Waters”

La vaira istorgia d’ina dunna che ha vivì durant 18 onns ina vita dubla per pudair studegiar giurisprudenza e savair uschè liberar ses frar ord praschun.

“Hoselupf”

Beat Schlatter accumpogna differents lutgaders tras lur mintga di. La documentaziun guarda cun in egl serius ed in che ria sin ina veglia tradiziun Svizra.

„Unknown Identity“

In scienzià sveglia suenter quatter dis or dal coma e tut s’ha midà. In auter ha tut ses plaz e schizunt sia dunna n’enconuscha betg pli ad el.

“Alles Erlaubt”

Duas collegas survegnan la lubientscha da lur dunnas da viver per in’emna ina vita da singles. Senza limitas e restricziuns, tut è permiss.

“The Killer Inside Me”

In scherif d’ina citad pitschna e bainvis tar tut ils coabitants. Sut sia fatschada gentila as zuppa però in psicopat e sadist. 

„Der Adler der neunten Legion“

In legiunari e ses sclav as mettan en tschertga d’ina standarta da l’agila da roma ch’è sparida avant 20 onns en il nord da la Bretagna.

“Snowmann's land”

In assassin, ses collega ed in gangsterboss fan guerra en in hotel bandunà en Germania.

“La mirada invisible”

Ina giuvna inspectura piglia sia lavur massa serius e platga en in conflict tranter il sistem dictatur e sias emoziuns.

„127 Hours“

L’onn 2003 è il raivider Aron Ralston crudà en ina sfessa d’in grip e stà a ferm cun in bratsch. Suenter 126 uras haja da sulettamain ina soluziun per surviver...

“Dschungelkind”

Ina famiglia tudestga emigrescha en il guaud tropic da Guinea. Entamez in cumbat tranter dus pievels.

“Hexe Lili – Die Reise nach Mandolan”

La stietta Lili e ses dragun pitschen Hektor sin aventuras en il reginavel Mandolan. Els ston deliberar il retg ord praschun.

„Die Vorstadtkrokodile 3“

Ina banda da giuvenils fa tut per spindrar la vita da ses ami.

“L’arnacoeur”

El rumpa da professiun las relaziuns d’amur, perquai che la famiglia è encunter.

“Liebe geht durchs Bett”

Dus megliers amis han ina relaziun sexuala senza sentiments. Sa quai funcziunar?

"Goodnight Nobody"

Quatter persunas han il medem handicap: ellas pon betg durmir.

“Kokowääh”

Ina cumedia cun e da Til Schweiger.

“Welcome to the Rileys”

En quai drama ston ils geniturs vegni a frida cun la mort da lur feglia.

"Dickste Freunde"

Ronny vesa sco la dunna da ses meglier ami ha ina afera.

“Hereafter”

Trais persunas vegnan confruntadas cun la vita suenter la mort.

“Songs of Love and Hate”

Lily fa tras ina midada en sia vita e ses bab sa betg sco ir entuorn cun quai.

Woher weisst du, dass es Liebe ist?

La vita professiunala sco era privata d’ina sportista è in fatg caos.

“Devil”

5 persunas èn serradas en in lift e ston avair tema per lur vita.

“Black Swan”

Ina ballerina lavura fitg ambizius per contonscher lur finamiras.

Skyline

In film science fiction, nua ch'aliens attatgan ils carstgauns.

“Another Year ”

In pèr ch’ha tut quai ch’i giavischan ha amis, ch’han plitost discletg en lur vita. In dama davart la societad.

“Love and Other Drugs - Nebenwirkung inklusive ”

In vendider da Viagra che vul mo sex chatta senza vulair l’amur da sia vita.

"Taxiphone”

In viadi romantic atras il desert era planisà. Dentant l’auto dal per svizzer stat eri datiers dat ina Oasa.

“Yogi Bear ”

Il Yogi e ses ami Bubu emprovan d’engular il picnic dals visitaders dal Yellistonepark.

“Small World ”

L’arsa d’ina chasa porta scleriment en ina veglia istorgia d’ina famiglia che vegn scuverta pass per pass.

"Bon appétit”

Daniel vegn en Svizra per far carriera sco cuschinier. L’amur maina el dentant enavos en sia patria en Spagna.

“The Tourist”

In turist vegn scumbiglià cun in grond cugliun e vegn perquai tschertgà tant da la polizia sco er da killers da la Russia. La culpa da quai scumbigl è ina bella dunna.

“Reine Fellsache”

Dan ha survegnì l’incumbensa da destruir in grond guaud ch’è il da chasa da blers animals. Quai mo per pudair bajegiar chasas, butias ed ina plazza da golf. El ha dentant fatg il quint senza ils animals.

"Rapunzel”

Rapunzel ha avunda da sia stanza sisum la Tuor. Grazia d’in lader sa ella finalmain scappar.

"Home for Christmas"

Ina saira sco mintga autra e tuttina ha ella ina muntada pli speziala che mintgin festivescha quella saira.

"Wir sind Gotthard"

Il turissem ed il curs dal mund ha midà fitg bler ils davos onns, sur tut en la regiun dal Gotthard.

"Saw 7 (3D)”

La seria da films da horror cun il pli grond success va en la setavla runda, e per la prima giada en trais dimensiuns.

"Otto's Eleven"

Tschintg collegas e lur amis vulan engular enavos in maletg ch’è vegnì tut davent dad els. Per far quai ston els rumper en in casino.

"The Road"

Il lung viadi da bab e figl tras in mund apocaliptic nua che tut ils survivents èn pront da far tut per in zic aua ni mangiativas.   

"Fair game”

Perquai che l’agenta dal CIA e maridada cul falli um tgisa l’agen stadi ella e ruinescha sia entira vita.

"Cyrus - Meine Freundin, ihr Sohn und ich"

John chatta finalmain sia dunna dals siemis, dentond ès quella betg persula.

"Exit through the gift shop"

In’icona da grafits prend sez enta maun la camera per documentar la lavur dad ils artists sin via.

"Machete”

In um cumbatta cun sia macheta encunter la corrupziun ed ina conspiraziun.

"Der letzte schöne Herbsttag"

 Claire e Leo vivan ina relaziun fortunada... la gronda part da lur temp.

"Scott Pilgrim gegen den Rest der Welt"

Scott sto cumbatter encunter siat ex-lovers per survegnir il cor da sia donna da siemis.

“Umständlich Verliebt”

In um baratta ils spermas d’in donatur per ina fructificaziun artifiziala da sia meglra collega cun ses agens.

"Somewhere"

Giuven star da hollywood survegn visitas da sia figlia ord ’ina relaziun anteriura. Dapli la vesa el puspè in segn en sia vita.

"Wildnis Schweiz"

Film documentar davart la flora e fauna Svizra, filmà durant passa 8 onns.   

“Sommervögel”

In’istorgia d’amur tranter in ex-praschunier ed ina impedida sin in campadi a Berna.

"Wir sind die Nacht"

Dunna giuvna da Berlin senza dachasa emprenda ad enconuscher ina gruppa feminina da vampirs e daventa sez in.

"Jackass 3D"

Johnny Knoxwille e cumpagnia mainan lur show Jackass en la terza dimensiun. Anc pli curaschus, anc pli legher, anc pli ord ’clocca.  

“Wall Street 2: Money Never Sleeps”

Il enconuschent broker Gordon Gekko vegn finalmain relaschà da la praschun suenter 23 onns. El prevesa la crisa da finanzas, ma nagin craja pli en el.

"Wie durch ein Wunder"

Duas frars han in accident d’auto. In mora e l’auter vegn reanimà, e dapli là sa el vesair e discurrer cun spierts.

"So spielt das Leben"

Padrin e madritscha ston en in d’andetg guardar da lur figliola. Unic problem: els dus odieschan in l’auter. 

“Die Konferenz der Tiere”

Ils animals da l’entir mund han avunda dals carstgauns. Els s’emettan ensemen per sa dustar.

"Tamara Drew"

Ina giuvna attractiva schurnalista turna en il vitg nua ch’ella è creschida si e chaschuna bler caos.

“Nowhere boy”

Ina istorgia sur da la giuventetgna din dals pli renumai musicists dal mund, John Lennon.

180° - Wenn deine Welt plötzlich Kopf steht

In film svizzer che unescha il destin da pliras persunas. La vita dal mintgadi è tuttina cumplettamain autra.

Der letzte Exorzismus

L'exorcist Marcus Cotton n'è betg pli persvas da sia lavur sco exorcist. El vul dir a la publicitad che quai saja be in'illusiun. Mo la fin vegn tut auter.

Das Sandmännchen - Abenteuer im Traumland

Da l’um da sien èsi vegnì engulà il sablun da sien. Per puspè survegnir enavos quel survegn el agid da Miko in mat da 6 onns.

Dinner für Spinner

Per vegnir vinavant en ses mastergn e per far carriera sto Tim prender cun a la tschaina da ses schef in “Spinner”.

Hanni e Nanni

Las renumadas schumellinas Hanni e Nanni èn ussa finalmain da vesair en in film el kino.

The Town

In lader s’inamura  en l’ostagi che lavurava en la banca nua ch’els èn ruts en.

Hugo Koblet

Documentaziun davart il James Dean da la Svizra e velocipedist da legenda Hugo Koblet.

Ponyo

In peschin magic as transfurma en ina matta e metta cun quai en rascha ses bab.

Resident Evil: Afterlife

Alice cumbatta per la quarta giada encunter Zombies, e questa giada vul ella destruir per il bun la corporaziun Umbrella.