Las Liricas Analas èn nominadas tar ils Swiss Music Awards 2010
Els èn publitgads, ils nominads per ils terz Swiss Music Awards. En 10 differentas categorias vegn surdà als 2 da mars per la terza giada la trofea. E quest onn datti ina surpraisa per la Rumantschia. Sut ils nominads sco meglier “Newcomer” èn las Liricas Analas cun lur album Analectrica. Per l’emprima giada è ina band rumantscha nominada per in grond premi naziunal. Nus vain discurrì cun Roman Flepp davart lur nominaziun.
Tadlar la contribuziun da Curdin Fliri...
Tge schanza han las Liricas Analas? Taidla l'intervista cun Curdin Fliri...
- Seven
- Stress
Che las Liricas Analas èn nominadas savain nus, ma guardain anc tgi ch’è anc nominà en las autras categorias. Ils gronds favurits naziunals èn cler Seven e Stress. Sper la band Wurzel 5 èn tots dus nominads en la categoria megler album urban naziunal e tots dus èn era nominads per la meglra chanzun naziunala.... e quai gist duas giadas. Duas giadas?
Vus vais udì gist. Minchün represchentan in’atgna chanzun e sco terza nominaziun è al start la chanzun “Stahn uf”, ch’els han fatg ensemen cun Baschi, Bligg e Ritschi sco song da protest cunter la decisiun da retrair la concessiun al radio NRJ.
Ulteriurs svizzers che pon sperar sin ina trofea èn ils Lovebugs, Yello e Stefanie Heinzmann che concurrenzeschan en la categoria meglier album da rock naziunal.
DJ Antoine, Sir Colin e Mr. Da-Nos èn ils nominads per meglier album da dance.
Per l’emprima giada datti quest ’onn era anc in premi spezial da la giuria, nua ch’il voting dal public sco era las cifras da vendita han nagin’influenza.
Pigliond ora il meglier album da dance, san en tut las autras categorias era ils artists internaziunals gudagnar in Swiss Music Award. E là èn Lady Gaga, ils Black Eyed Peas ed ils Kings of Leon ils favurits cun mintga giada duas nominaziuns.
Swiss Music Awards en la rait...
