L’istorgia è la sequenta. En il 2003 han ils Dandy Warhols engaschà a Russell Elavedo, in producent da soul che ha gia lavurà tranter auter per Alicia Keys e The Roots, per maschadar lur quart album “Welcome to the Monkey House”. Capitol Records, il label da la band, n’ha però betg plaschì il mix ed els han engaschà in auter producent per maschadar l’album suenter lur visiuns. In tipic clisché en l’industria da musica. Ussa, 6 onns pli tard, la band independenta e cun in agen label, cumpara finalmain la versiun originala da “Welcome tot he Monkey House”. "...ARE SOUND" è la versiun che la band vuleva porscher als auditurs gia da prima davent.