The Lovely Bones - In meinem Himmel

Il gener da fantasia èra adina il stil da film nua che Peter Jackson sa senta da chasa. Cumenzà ha el en sia carriera da reschissur cun films da violenza e sang, bunamain macaber a mirar tiers. Cun la trilogia da “Herr der Ringe” s’ha el catapultà en il olimp dals reschissurs enconuschents. Suenter ses ultim film “King Kong” ha el fat ina curta pausa. Ussa cumpara sia pli nov’ovra: Il film “The Lovely Bones” – per tudestg “In meinem Himmel”. Fantasia è anc adina in aspect central dal film, schebain che questa giada gioga era la realitad ina impurtanta rolla. Sche quella maschaida funcziuna bain era per il public udiss vus qua.