THE SECRET MACHINES

L’album nov dil trio texan THE SECRET MACHINES tuna sco la terza part d’dina trilogia. Il debut “nowhere is nowhere” ha avert questa istoria da rock sferic e progressiv. Il successur “ten silver drops” ha perfecziunà e cumplettà il sound dils frars Brendan e Benjamin Curtis e Josh Garza – ed uss turnan els cun ghitarrist ed album nov! Benjamin Curtis ha bandunà la band ed è vegni remplazzà da Phil Karnats. Il terz album serra il viertgel da la stgatla, il ghitarrist nov dat in sound nov e lascha anc dapli plaz a ritmus monotons ed arranschaments ipnotics. Quest album è ina perla plain muments poppigs, in orcan rockig plain abstrusitads acusticas. Grond kino per nossas ureglias!