Nov onns dapli che è vegnì public la schliaziun da The Verve s’annunzian els puspè enavos cun in nov album. Las aspectativas da la pressa e dals fans èn stadas lasuenter giganticas. Cun l’album “Forth” cuntinuescha la gruppa enturn il chantadur e ghitarrist Richard Ashcroft lur viadi musical. The Verve na tunan sin lur nov disc betg bler auter sco sin lur ultim album "Urban Hymns" dal onn 1997. Malgrà la lunga pausa san ils auditurs s’orientar subit en il cosmos da musica da las diesch chanzuns. Sper la vusch marcanta dal chantadur Richard Ashcroft procura en prima lingia il ghitarrist Nick McCabe cun ses gieu da ghitarra plain expressiuns. The Verve mussa a sai sez puspè ina giada da lur meglra vart.
Taidla la contribuziun da The Verve...
