Tips e trics per las vacanzas a Balcunia

Tip 1

Emprima regla per far vacanzas a Balcunia: mai laschar passar il temps cun far urden, mabain cuir a sasez mo bellas chaussas lontan dal mintgadi.

Tip 2

D’avantatg è in balcun drizzà encunter il sid, nua ch’ins po giudair il pli bler sulegl dal di. In di cun bler sulegl na dentant betg emblidar la crema da sulegl ed ils egliers da sulegl. In’arsa dal sulegl disturba il bainesser.

Tip 3

Per sa proteger d’egliadas mirvegliusas dals vischins fiss in parasol u ina marchisa recumandada, cunzunt d’avantatg per persunas ch’aman il nudissem.

Tip 4

Per tuttina betg stuair manchentar la vista sin la mar, prender enta maun colur e penel e malegiar l’agen paradis sin in mir bain vesibel dal balcun.  Adattà fiss forsa era ina porta-garascha.

Tip 5

Plantas exoticas e flurs dattan in flair meridiunal. Per ch’i dettia era quai effect, han ins da mirar che la plantas e las fluras hajan adina avunda aua. Verd maltarschinà disturba il sentiment da vacanzas.

Tip 6

Betg mancar dastga in gril, ina sutga da giaschair, musica u in bun cudesch ed ina frestgera plaina cun bavrondas e da mangiar. Na  dentant, betg suremplenir il balcun cun chaussas nunduvrablas, quai avess ina nauscha influenza sin il bainstar.