Exercizis da forza per far en stiva

Per far passlung dovr’ins tut il corp. E quels che han gia fatg ina giada passlung san; Ins dovra magari era musculs ch’ins na saveva gnanc ch’i existan! Ils musculs ch’ins dovra il pli savens, quels san ins era trenar cun far exercizis da forza a chasa. Barbla Etter, noss’experta da passlung mussa ils megliers exercizis.

In pau teoria...

Tgenins musculs dovr’ins il pli ferm?

Tadlar: Barbla Etter sur dals musculs...

Il meglier cumenz’ins gia avant la stagiun da passlung cun exercizis per il venter e per la bratscha di Barbla Etter. Ma era durant la stagiun da passlung n’èsi betg memia tard. Quant savens cusseglia ella da trenar ils musculs en stiva?

Tadlar: Quant savens dess ’ins far ils exercizis?

Barbla Etter fa durant tut l’onn trenament da forza en in center da fitness, là datti ils apparats per far ils exercizis ed instructurs che mettan ensemen in program individual. Ma in abunament per in center da fitness è char ed exercizis a chasa fan era effect, di l’experta.