Son Pieder sto avair gì nauscha conscienza per la plievgia dals dus onns avant a
l’ Open Air Trun. Las nivlas nairas eran gia sur l’areal pinadas per laschar plover, mo in vend a suflà navend ellas. Ils visitaders da l’ Open Air Trun èn restads sitgs ed han pudì giudair ina bella saira da stad tar empernaivels 16 grads.  Ina saira cun blera musica, bler da baiver e bun da magliar e perfin ina televisiun per ils fans da ballape. La festa sin il Plaun Rensch è stada amiaivla e senza gronds incaps.