Tupac Shakur – Era 15 onns suenter sia mort anc actual
Blers fans na vulan anc oz betg crair ch’il enconuschent rapper Tupac è mort avant 15 onns a Las Vegas. Els crain ch’el è anc oz insanua tranter da nus. Ma a tut quellas teorias da conspiraziun vegn mess uss ina fin.
Il rapper Young Noble da la gruppa “The Outlawz” ha tradì tge ch’igl è capità cun la tschendra da Tupac suenter sia mort. Ella è vegnida fimada.
- The Outlawz
“The Outlawz” è vegnì fundà da Yaki Kadafi, èra el gia mort. Tupac èra in dals commembers da la band. Young Noble ha raquentà uss: “Gea, igl ’è propi la vardad. Suenter sia mort vain nus fat ina ceremonia per el ensemen cun sia mamma e sia famiglia. Nus eran a la riva dal mar e vain consumà tut quai ch’el sez consumava gugent. In zic erva, pulaster e limunada d’oranschas ch’el aveva uschè gugent. A la fin vain nus fimà sia tschendra, causa che quai era ses ultim giavisch.”
E sch’ins enconuscha la chanzun “Black Jesus” da Tupac, ans auda era sco ch’el chanta che quai sia propi ses ultim giavisch. Uschè n’è betg restà bler enavos dal enconuschent rapper american.
