Nagins cunfins tar “Verstehen Sie Spass” dal Giapun

Sch’ins conguala shows che prendan per il tgil la glieud, èn ils Giapunais cleramain quels che na conuschan nagins cunfins. Senza scrupels e cumpassiun per ils pertutgads inventan els las traplas las pli originalas per trategnair il public e far star mal las victimas.
Saja quai en ina sauna en in lieu per ir cun ils skis, nua ch’ils pertutgads èn en in d’andetg bluts amez ils skiunzs. U sin ina tualetta publica che transporta sco in lift ils visitaders sin il tetg. U in fund dubel, nua ch’ins na vesa betg tge ch’igl ha sutvart. I fa rir e star mal il medem mument.