White Risk – Evaluar il privel da lavinas cun l’iPhone.

En media moran en Svizra mintg’onn 25 persunas en lavinas. Il dumber pudess ins diminuir sche tuts avessan avunda know-how e fissan infurmads sur dal privel da lavina actual en la regiun. S’infurmar pon ins en l’internet, radio, teletext u uss da nov era cun l’iPhone.
L’Institut federal per la perscrutaziun da naiv e lavinas (SLF) ha publitgà ensemen cun la SUVA ina app cun il num “White Risk mobile”. L’applicaziun porscha tut las infurmaziuns actualas davart il privel da lavinas ed anc bler auter latiers.