Chantadur, ghitarrist, songwriter e chau da l’anteriura band “16 Horsepower” David Eugene Edwards è enavos cun Woven Hand e cun in nov album. Sumegliantsco “16 Horsepower” sa mova lur stil da musica en il sectur dal country alternativ cun elements da rock e musica indigena, americana. Al cumenzament  ha Edwards definì  Woven Hand sco project da solo cun musicists da giast. En il fratemp è Woven Hand però creschì ensemen sco band ed els sa defineschan era uschè. Dapli il 2001 èn cumparids gia 5 portatuns spectaculars e extraordinaris. Cun “Ten Stones” è ussa qua il 6avel disc. In toc pli dir sco ils anteriurs albums ma Edwards persvada danovamain.